خەم

لە مەیخانەی خەما خەم خۆر و خامۆش
خەیاڵ و خەونی تۆ داخم دەکا خۆش

خودایا ئەم خەیاڵە خۆشه خاوه
لە خەونم جیا مەخە,خەم بێت فەرامۆش

له خەودا خاڵ و خەندەت خەیر و خاسه
ئەوەش ئەی خۆشەویست خەندەی خەسی تۆش

خەفەت خانەی دڵم خوێن و زووخاوه
لە زەخمم خوێ دەخا ئەخباری یارۆش

دەبێت ئاخر به خاڵت خەم له سەر خەم؟
بڵێم خۆش هاتی خۆزگا یاری سەرخۆش

خشەی خەم دێ و دەخنکێنێت خەیاڵم
وەها دەخزێی لە خەونم,ئاخۆ بێ خۆش

چ خەم دێ و خۆی دەخاته باخی خەونم
له بەر خۆر دەردەخا خۆی هەوری ڕەش پۆش

لە خەونم خۆ مەشارۆ خۆشەویستم
له خەو هەڵسێنه بەختی تار و ڕەش پۆش

(سەعید)خامۆشی خەم خانەی دڵی خۆی
خەیاڵ و خەونی خۆشی بێ تۆ ناخۆش

+ نوشته شده در پنجشنبه یکم دی ۱۴۰۱ ساعت 8:54 توسط سعید محمدی  |